दि फ्रेंड्स असोसिएशन संस्था,जत संचलित जत हायस्कूल अँड ज्युनियर कॉलेज ऑफ आर्ट्स अँड सायन्स,जत प्रशालेत इयत्ता दहावी शालांत परीक्षा फेब्रुवारी -मार्च 2025 साठी प्रविष्ठ होणाऱ्या विद्यार्थी विद्यार्थिनी यांचा *शुभेच्छा तथा निरोप समारंभ* संपन्न झाला.
या प्रसंगी कार्यक्रमाचे प्रमुख पाहुणे म्हणून माजी मुख्याध्यापक श्री ए. ए. मेत्री सर हे होते. कार्यक्रमाची सुरुवात क्रांतीज्योती सावित्रीबाई फुले यांच्या पुण्यप्रतिमेच्या पूजनाने झाली.
यावेळी प्रशालेतील अनेक विद्यार्थी विद्यार्थिनी यांनी शालेय शैक्षणिक प्रवासाविषयी आपल्या भावना व्यक्त केल्या. शाळेतील मार्गदर्शन करणाऱ्या सर्व अध्यापक अध्यापिका यांचे प्रति कृतज्ञता व्यक्त केली. यावेळी मा. एन. डी. कांबळे सर ,
मा . श्री एल. सी. तंगडी सर, ज्युनिअर कॉलेज विभागप्रमुख मा. श्री एन. आर. गुरव सर व प्रशालेचे विद्यमान मुख्याध्यापक मा.श्री पी. एम. कांबळे सर आदींनी आपली शुभेच्छापर मनोगते व्यक्त केली. या प्रसंगी शाळेचे पर्यवेक्षक श्री एस. डी. चौगले सर यांनीही विद्यार्थ्यांना शुभेच्छा दिल्या.
कार्यक्रमाचे प्रमुख पाहुणे मा. ए. ए. मेत्री सर यांनीही विद्यार्थ्यांना सखोल मार्गदर्शन केले. पुढील काळात नाविन्याचा ध्यास घेऊन चालत रहा. आई – वडील व गुरु यांचे आपल्या जीवनात अनन्य साधारण महत्व आहे . त्यांच्याप्रती नेहमी आदर व्यक्त करावा. नवनवीन तंत्रज्ञान आत्मसात करा. जीवनात Never give up attitude ठेवा.
विविध स्पर्धांमध्ये नैपुण्य प्राप्त करण्याचा प्रयत्न करा व आपल्या शाळेचा, संस्थेचा तसेच आपल्या परिवाराचा नाव लौकिक वाढवा असे आवाहन केले . या कार्यक्रमाचे सूत्रसंचालन मा. श्री ए. एस. जोशी सर यांनी केले तर
कार्यक्रमाचे आभार कु. जवंजाळ मॅडम यांनी व्यक्त केले. याप्रसंगी शाळेतील सर्व अध्यापक, अध्यापिका व शिक्षकेतर सेवक वृंद आदी उपस्थित होते.
सर्व विद्यार्थी विद्यार्थिनी ना अल्पोपहार देऊन कार्यक्रमाची सांगता झाली…
मुख्य संपादक : श्री: सुभाष शिंदे
