*सन्माननीय डॉ. शंकर तंगडी साहेब यांचे हस्ते ध्वजारोहण संपन्न*
. दि फ्रेंड्स असोसिएशन,जत संचलित जत हायस्कूल अँड ज्युनिअर कॉलेज ऑफ आर्ट्स अँड सायन्स, जत या आपल्या प्रशालेत भारतीय प्रजासत्ताकाचा 75 वा वर्धापन दिन समारंभ उत्साहात संपन्न झाला. दि फ्रेंड्स असोसिएशन, जत संस्थेचे सन्माननीय सेक्रेटरी डॉ.शंकर तंगडी साहेब यांचे हस्ते ध्वजारोहण झाले. प्रारंभी भारतीय राज्यघटनेचे शिल्पकार,भारतरत्न डॉ. बाबासाहेब आंबेडकर यांच्या पुण्य प्रतिमेस पुष्पहार अर्पण करण्यात आला. शाळेतील विद्यार्थी -विद्यार्थिनींच्या डौलदार संचलनाद्वारे राष्ट्रध्वजास मानवंदना देण्यात आली.
भारतीय राज्यघटनेस 75 वर्षे पूर्ण झाल्याने कलाध्यापक श्री. सुभाष शिंदे सर यांच्या संकल्पनेतून मांडण्यात आलेल्या माझा देश माझे संविधान या विषयावरील चित्र प्रदर्शनाचे उद्घाटन मा. डॉ.शंकर तंगडी साहेब यांच्या हस्ते करण्यात आले. याप्रसंगी संस्थेची खजिनदार व जत हायस्कूलचे शाळा समितीचे अध्यक्ष मा. श्री.देवेंद्र पोतदार साहेब, संस्थेचे संचालक श्री. गुरुनाथ बिजरगी साहेब, संस्थेचे सदस्य मा. श्री. हुजरे साहेब, मा.श्री. ए. पी. कोळी साहेब मा. श्री. बी. ए. ऐनापुरे साहेब. मा श्री. पी. डी. जाधव साहेब व अन्य मान्यवर उपस्थित होते.
भारतीय प्रजासत्ताक दिनानिमित्त क्रीडा शिक्षक श्री. एस. एस. स्वामी सर,कु. एस. के. माळेकर मॅडम, कु.एम. व्ही. कुलकर्णी मॅडम यांचे मार्गदर्शन लाभलेल्या विद्यार्थी- विद्यार्थिनींनी उत्कृष्टपणे साधन कवायत सादर करून सर्वांची मने जिंकली. महाराष्ट्राचा पारंपारिक खेळ प्रकार लेझीम विद्यार्थिनींनी सादर करून सर्वांना मंत्रमुग्ध केले. क्रीडा शिक्षक श्री.एस. एस. स्वामी सर यांनी या विद्यार्थिनींना मार्गदर्शन केले होते.
.
मुख्य संपादक : श्री: सुभाष शिंदे
