*सेवानिवृत्ती समारंभ*
आपल्या दि फ्रेंड्स असोसिएशन संस्थेच्या जत हायस्कूल अँड ज्युनिअर कॉलेज ऑफ आर्ट्स अँड सायन्स, जत मधील तांत्रिक विभाग प्रमुख मा. श्री सुतार बी. ए. सर, सेवक मा.श्री खिलारे मामा व ज्युनिअर कॉलेज विभागाचे प्राध्यापक मा. श्री जाधव एम.बी. सर हे शासनाच्या नियत वयोमानानुसार आज वार शनिवार दिनांक 31/05/2025 रोजी आपल्या प्रदीर्घ शैक्षणिक सेवेतून समाधानपूर्वक सेवानिवृत्त होत आहेत.
त्यानिमित या तिघांचा औपचारिक संयुक्तिक सत्कार शाळेचे विद्यमान मुख्याध्यापक श्री कांबळे पी. एम. सर व पर्यवेक्षक श्री चौगुले एस.डी. सर यांचे हस्ते श्रीफळ,गुलाबपुष्प व सेवानिवृत्ती पत्र देऊन करण्यात आला. या प्रसंगी ज्युनिअर कॉलेज मराठी विषयाचे प्राध्यापक श्री कुलकर्णी व्हि.पी. सर यांनी आपले मनोगत व्यक्त केले व शुभेच्छा दिल्या.
तसेच या वेळी सर्वश्री जाधव सर,सुतार सर व खिलारे मामा यांनीही आपल्या भावना व्यक्त करताना संस्था, शाळा तसेच सर्व सहकारी अध्यापक, अध्यापिका व शिक्षकेतर सेवक वृंद यांच्या प्रति कृतज्ञता व्यक्त केली. संस्थेच्या सर्व पदाधिकाऱ्यांनी संस्था व शाळेची सेवा करण्याची संधी उपलब्ध करून दिल्याबद्दल आभार व्यक्त केले.
शाळेचे मुख्याध्यापक मा.श्री कांबळे पी. एम. सर यांनीही या तिघांप्रती आपल्या भावना व्यक्त केल्या. या तिघांच्या उत्तम योगदानाबद्दल कृतज्ञता व्यक्त केली. व त्यांच्या पुढील जीवनासाठी हार्दिक शुभेच्छा दिल्या.
शाळेचे पर्यवेक्षक मा.श्री चौगुले एस. डी. सर यांनी या तिघांना शुभेच्छा दिल्या व आभार मानले.
या प्रसंगी शाळेतील अध्यापक व शिक्षकेतर सेवक उपस्थित होते.
मुख्य संपादक : श्री: सुभाष शिंदे
