अमृतसरमधील इस्लामाबाद पोलिस स्टेशनजवळ आज पहाटे मोठा आवाज ऐकू आला. सुमारे ३ वाजण्याच्या सुमारास या स्फोटाचा आवाज परिसरातील लोकांना ऐकू आल्याचे सांगण्यात येत आहे. यानंतर या भागातील नागरिकही घाबरले आहेत. इस्लामाबादचे पोलीस अधिकारी जसबीर सिंग यांनी याबाबत स्पष्टीकरण देताना सांगितले की, आम्हालाही आवाज ऐकू आला, मात्र पोलीस ठाण्यात कोणताही स्फोट झाला नाही.
गँगस्टर जीवन फौजी याने स्फोटाची जबाबदारी घेतली
सध्या हा स्फोट कुठे झाला याचा शोध घेतला जात आहे. मात्र पोलीस अधिकारी काहीही बोलायला तयार नाहीत. गँगस्टर जीवन फौजी याने या स्फोटाची जबाबदारी स्वीकारली आहे. याबाबत स्पष्टीकरण देताना स्थानिक लोकांनी सांगितले की, 3 वाजण्याच्या सुमारास हा स्फोट झाला. स्फोट इतका शक्तिशाली होता की घराच्या भिंतीवरचे चित्रही खाली पडले.
चंदीगडमधील बारबाहेर स्फोट झाले
यापूर्वी चंदीगडमधील दोन क्लबबाहेर बॉम्बस्फोट झाले होते. यापैकी एका क्लबचा मालक रॅपर बादशाह आहे. या दोन क्लबबाहेर झालेल्या स्फोटांची जबाबदारी लॉरेन्स बिश्नोई टोळीने घेतली आहे. गोल्डी ब्रारने जारी केलेल्या सोशल मीडिया पोस्टमध्ये हा दावा करण्यात आला आहे. तथापि, NDTV या दाव्यांना पुष्टी देत नाही. पोलिसांनी दिलेल्या माहितीनुसार, चंदीगडमधील सेक्टर २६ भागात एका बारबाहेर कमी तीव्रतेचे स्फोट झाले.
मुख्य संपादक : श्री: सुभाष शिंदे
